دنیا کے مقبول ترین کھیل اور چند دلچسپ حقائق

گزشتہ ہزاروں سال سے لوگ مختلف اقسام کے کھیل کھیلتے اور دیکھتے آرہے ہیں- یونان میں ہونے والے قدیم اولمپک کھیلوں سے لے کر فٹبال کے سپر باؤل (سالانہ عالمی چمپئین شپ ) تک کھیل ہمیشہ سے ہی انسانی زندگی کا اہم ترین حصہ رہے ہیں- یوں تو دنیا میں متعدد اقسام کے کھیل کھیلے جاتے ہیں لیکن آج ہم صرف دنیا کے مقبول ترین کھیلوں اور ان سے وابستہ چند دلچسپ حقائق کے بارے میں بات کریں گے-

Baseball
بیس اگرچہ امریکہ کا سب سے مقبول ترین کھیل ہے تاہم یہ دیگر ممالک میں بھی پھیلا ہوا ہے- بیس بال کی سب سے پہلی عالمی سیریز 1903 میں منعقد ہوئی اور آج اس کا شمار دنیا کے اہم ترین کھیلوں میں ہوتا ہے-

Boxing
بنیادی طور پر باکسنگ کے کوئی قوانین نہیں تھے٬ یہاں تک کھلاڑیوں کی اموات واقع ہونے لگی- لیکن وقت گزرنے کے ساتھ ساتھ اس کھیل کے قواعد و ضوابط بھی متعارف کروائے گئے- تاہم یہ ایک پرتشدد کھیل ہے اور اسی وجہ سے کئی ممالک میں اس پر پابندی عائد ہے جبکہ اس کھیل کو دیکھنے والوں کی بڑی تعداد موجود ہے-

Rugby
رگبی انگلینڈ کا ایجاد کردہ کھیل ہے اور اس کا شمار بھی پرتشدد کھیلوں میں ہوتا ہے- تاہم یہ کھیل امریکہ سمیت دنیا بھر میں انتہائی تیزی سے پھیل رہا ہے-

Volleyball
والی بال کی بنیاد 1895 میں رکھی گئی لیکن اس کھیل کی ورلڈ چمپئین شپ کا انعقاد پہلی بار 1949 میں ہوا- اس کے بعد اسے 1964 میں اولمپک اسپورٹس کے طور پر متعارف کروایا گیا- آج والی بال کا شمار دنیا کے مقبول ترین کھیلوں میں ہوتا ہے-

Ice Hockey
حقیقی معنوں میں آئس ہاکی ایک ہزاروں سال پرانا کھیل ہے تاہم اس میں جدت کا آغاز کینیڈا نے کیا- سب سے پہلا مقامی سطح پر ہاکی کا کھیل 1875 میں مونٹریال میں کھیلا گیا- 19ویں صدی میں یہ کھیل انتہائی مقبول ہوگیا اور آج یہ بین الاقوامی طور پر بھی کھیلا جاتا ہے-

Tennis
ٹینس کی ابتدا تو انگلینڈ سے ہوئی لیکن جلد ہی امریکہ نے اسے اختیار کرلیا اور چمپئین بن بیٹھا- اس وقت 17 ملین سے زائد امریکی ٹینس کھیلنے کے شوقین ہیں- ٹینس عالمی طور پر لاکھوں ملین ڈالر کی آمدنی کا ذریعہ بنتا ہے-