انٹرنیٹ کے ذریعے آج ہم پوری دنیا سے منسلک رہتے ہیں اور
لمحہ بہ لمحہ بدلتی صورتحال سے ہماری واقفیت رہتی ہے- یہی وجہ ہے کہ
انٹرنیٹ کو ایک انقلابی ایجاد قرار دیا جاتا ہے- لیکن سوال یہ پیدا ہوتا ہے
کہ انٹرنیٹ تو آپ کو باخبر رکھتا ہے لیکن آپ انٹرنیٹ کے بارے میں کتنی خبر
رکھتے ہیں- جی ہاں انٹرنیٹ سے متعلق بنیادی باتیں تو ہر کوئی جانتا ہے لیکن
اس سے چند ایسے دلچسپ حقائق بھی وابستہ ہیں جن کے بارے میں بہت کم لوگ
جانتے ہیں-
|
|
دنیا کی سب سے پہلی ویب سائٹ مارچ 1989 میں متعارف کروائی اور یہ ویب سائٹ
آج بھی لائیو ہے-
اس ویب سائٹ کا ایڈریس https://info.cern.ch/hypertext/WWW/Bibliography.html
یہ ہے-
|
|
انٹرنیٹ کی دنیا میں روزانہ تقریباً 247 بلین ای میل بھیجی جاتی ہیں- تاہم
ان میں سے 90 فیصد اسپیم یا وائرس پر مشتمل ہوتی ہیں- اس لیے کسی بھی ای
میل کو کھولتے وقت ہمیشہ احتیاط سے کام لیجیے-
|
|
دنیا بھر میں تہلکہ مچانے والے ٹوئٹر پر سب سے پہلا ٹوئیٹ 21 مارچ 2006 کو
کیا گیا جو کہ ٹوئٹر کے بانی Jack Dorsey نے کی-
|
|
آپ یوٹیوب کو ایک وسیع آن لائن میڈیا کے طور پر تو جانتے ہیں لیکن آپ یہ
نہیں جانتے کہ روزانہ صرف ایک منٹ کے مختصر سے عرصے کو دوران یوٹیوب پر 300
گھنٹوں پر مشتمل ویڈیوز اپ لوڈ کردی جاتی ہیں-
|
|
چین میں انٹرنیٹ صارفین کی تعداد 632 ملین ہے اور خیال ظاہر کیا جاتا ہے کہ
اس میں سے 23 ملین صارفین مکمل طور پر اسے ایک نشے کی مانند استعمال کرتے
ہیں اسی لیے چین میں انٹرنیٹ کی عادت چھڑانے کے لیے باقاعدہ طور پر کیمپ
قائم کیے گئے ہیں- ایسا چینی صارف جو 6 گھنٹے سے زائد وقت تک انٹرنیٹ کا
استعمال کرے اسے اس کا عادی قرار دے دیا جاتا ہے-
|
|
عام طور پر ہم یہ سمجھتے ہیں کہ انٹرنیٹ ٹریفک زیادہ تر جیتے جاگتے انسانوں
پر مشتمل ہے جو ایک ویب سائٹ سے دوسری ویب سائٹ پر آتی جاتی رہتی ہے لیکن
یہ حقیقت نہیں ہے- اصل میں یہ ٹریفک خودکار سسٹم آتی جاتی رہتی ہے جس کا
حقیقت میں کوئی وجود نہیں-
|
|
گزشتہ چند سالوں کے دوران ٹوئٹر سوشل میڈیا کی دنیا کی ایک مقبول ترین ویب
سائٹ بن کر ابھرا ہے- آج روزانہ 500 ملین سے زائد ٹویٹ کی جاتی ہیں جن میں
خبریں٬ تبصرے یہاں تک کہ کیا کھایا اور پیا گیا یہ سب بھی شامل ہوتا ہے-
|
|
کیا آپ جانتے ہیں کہ مختلف سافٹ وئیر کی مدد سے روزانہ 30 ہزار ویب سائٹس
ہیک کرلی جاتی ہیں-
|
|
آپ کو یہ جان کر ضرور حیرت ہوگی امریکہ کی 88 فیصد جبکہ ناروے کی 98 فیصد
آبادی انٹرنیٹ استعمال کرتی ہے-
|