بغیر کچھ “ کھائے “ زندگی گزارنے والا جوڑا

مگر امریکی میاں اور بیوی نے تو حد ہی کردی، جنہیں نہ تو کوئی بیماری ہے، اور نہ ہی ان کے ساتھ کوئی اور مسئلہ ہے، مگر پھر بھی ان کا دعویٰ ہے کہ انہیں کھانے کی ضرورت ہی نہیں پڑتی۔

ڈان نیوز کے مطابق امریکی ریاست کیلیفورنیا اور ایکواڈور کے درمیان رہنے والے میاں بیوی نے دعویٰ کیا ہے کہ انہوں نے 3 سال تک کچھ بھی نہیں کھایا، جب کہ وہ عام طور پر بھی ہفتے میں صرف 3 بار کبھی کسی پھل کا ٹکڑا تو کبھی تھوڑی سی سبزی کھاتے ہیں۔
 

34 سالہ کمیلا کاستیلو نے اپنے میاں 36 سالہ اکاہی ریکارڈو سے بازی لے جاتے ہوئے دعویٰ کیا کہ انہوں نے پہلی بار حاملہ ہونے کے دوران صرف 5 بار ہی غذا کھائی۔

انہوں نے دعویٰ کیا کہ وہ حاملہ ہونے کی وجہ سے بار بار ڈاکٹرز کے پاس چیک اپ کے لیے جاتی رہیں، تاکہ وہ بچے کی صحت معلوم کرسکیں، ڈاکٹرز نے انہیں ہمیشہ یہی کہا کہ بچے کی پرورش نارمل انداز میں بڑھ رہی ہے۔

پرانک وومین نامی اپنی ویب سائٹ اور انسٹاگرام پر انہوں نے اپنی کئی تصاویر اور ویڈیوز بھی شیئر کر رکھے ہیں، جن میں وہ یوگا کی طرح مختلف ایکسرسائیز کرتی نظر آ رہی ہیں۔
 

خاتون اپنی ویب سائیٹ کے ذریعے پرانے طریقوں کے مطابق زندگی گزارنے کے طریقے سکھانے کے لیے آن لائن کورسز بھی کرتی ہیں، جب کہ وہ خود بھی پرانے اور قدرتی طریقوں کے مطابق زندگی گزارنے کو ترجیح دیتی ہیں۔

جوڑے کا خیال ہے کہ انسان کو زندہ رہنے اور طاقت کے لیے کھانے کی ضرورت نہیں، کیوں کہ طاقت اور قوت پہلے سے اس کائنات میں موجود ہے، انسان سانس کے ذریعے اس قوت کو حاصل کرسکتا ہے۔

اس جوڑے کے 2 بچے بھی ہیں، جن میں ان کا 5 سال کا بیٹا اور 2 سال کی بیٹی بھی شامل ہے، مگر میاں بیوی اپنے بچوں کو بھوک اپنانے پر مجبور نہیں کرتے۔