اپنی زبردست کارکردگی سے دنیائے کرکٹ کو حیران کرنے والی
پاکستانی ٹیم نے سنسنی خیز مقابلے کے بعد سری لنکا کی لنکا ڈھا کے چمپئین
ٹرافی کے سیمی فائنل میں جگہ بنائی ہے- سیمی فائنل میں پاکستان کی ٹکر
انگلینڈ سے ہوگی- میچ کچھ دیر میں شروع ہونے والا ہے- سب پاکستانیوں کے
دماغ میں یہ سوال آرہا ہے کہ کیا پاکستان انگلینڈ کو شکست دینے میں کامیاب
ہوسکے گا؟ یہ معرکہ مشکل ہے مگر ناممکن نہیں- پاکستان اگر ان چند باتوں پر
عمل کرے تو یقیناً انگلینڈ کو ہرانے میں کامیاب ہوسکتا ہے- آئیے ہم بتاتے
ہیں کیسے؟ |
فخر زمان کو کریز پر
لمبے عرصے تک رہنا ہوگا
نئے ابھرتے ہوئے ستارے فخر زمان کو لمبی اوپننگ پارٹنر شپ فراہم کرنی ہوگی-
ان کی موجودہ فارم کو دیکھتے ہوئے اس بات کی امید کی جاسکتی ہے کہ وہ اچھا
اسکور کر کے پاکستان کی بیٹنگ کو مستحکم کرسکتے ہیں- اگر فخر 50 یا اس سے
زائد رنز بنانے میں کامیاب ہوئے تو یہ پاکستان کے لیے فائدہ مند ہوگا-
|
|
عمدہ فیلڈنگ اور کیچز نہ پکڑنے کی روایت کو
بدلنا ہوگا
بھارت کے خلاف میچ میں کئی کیچز چھوڑے گئے اس لیے پاکستان ٹیم ہار گئی- اگر
پاکستان کو سیمی فائنل جیتنا ہے تو اپنی فیلڈنگ بہتر کرنا ہوگی اور تمام
کیچز پکڑنا ہوں گے- جنوبی افریقہ کے ساتھ میچ میں پاکستان کی کامیابی میں
پاکستان کا بڑا عمل دخل تھا- آج جیت کے لیے پاکستان کو وہی تاریخ دہرانی
ہوگی-
|
|
حفیظ٬ بابر اعظم اور شعیب ملک کو مڈل آرڈر
پر اچھی بیٹنگ کرنی ہوگی
گزشتہ کئی میچز میں پاکستان کے کئی سینیر کھلاڑی جن میں شعیب ملک٬ بابر
اعظم٬ اور محمد حفیظ شامل ہیں اپنی صلاحیتوں کا درست استعمال کرتے نظر نہیں
آئے- یہی وجہ ہے کہ پاکستان کی بیٹنگ متاثر ہوئی ہے- لہٰذا آج جیت کے لیے
پاکستان کے ان تمام سینیر کھلاڑیوں کو عمدہ بیٹنگ کا مظاہرہ کرنا ہوگا اور
ذمہ داری کا ثبوت دینا ہوگا-
|
|
سرفراز احمد اور شعیب ملک کی بیٹنگ محمد
حفیظ سے پہلے
جیسا کہ ہم ذکر کر چکے ہیں کہ محمد حفیظ بیٹنگ کے شعبے میں بری طرح ناکام
نظر آئے ہیں اور غیر ذمہ دارانہ اسٹروک کھیل کے اپنی وکٹ گنوا دیتے ہیں-
لہٰذا شعیب ملک اور سرفراز کو حفیظ سے پہلے آ کے ذمہ داری کے ساتھ بیٹنگ کر
کے تیزی سے رنز اسکور کرنے چاہیے- ورنہ پاکستان وقت سے پہلے حفیظ کی وکٹ
گنوا کر دباؤ میں آسکتا ہے-
|
|
یہ وہ چند اہم باتیں ہیں جن پر عمل کر کے پاکستانی ٹیم میچ جیتنے میں
کامیاب ہوسکتی ہے-
پاکستانی ٹیم کی کامیابی کے لیے دعا گو!
|