Rishwat Ka Bazaar Garam:

(Bahisht Mujeeeb, karachi)

Saltanat-E-Pakistan Main Jaha Dekho Rishwat Ka Bazaar Garam Hai. Hukumat-E Waqt Kay Jis Shobe Par Bhi Nazar Dorai Jae Rishwat Lene Or Dene Wale Dono He Mujood Or Kafi Sar Garme Amal Hain. Aala Auhdedaron Say Lay Kar Niche Tak Har Tarf Ye Amal Sawab Ki Niyat Say Anjam Paa Raha Hai. Isay Na Sirf Nizam Ki Tabahi Or Barbadi Horahi Hai Balkay Merit Ko Jar Say He Saaf Kia Jaraha Hai. Hukumat Ki Naukrian Wazeeron Kay Rishtadaron Or Ba-Asar Afraad Ko He Naseeb Horahi Hain. Or Agar Is Amal Ki Koi Mukhalifat Bhi Karnay Kay Liye Khara Ho To Osay Bhi Kuch Na Kuch Lay Day Kar Manzar Say Ghayab Kardia Jata Hai. Janab Mohtaram Wazir-E-Azam Nawaz Shareef Sahab Say Meri Ye Appeal Hai Kay Khudara Ap Apni Nazar Is Muzo Par Bhi Dalen, Wagar Na Ye Bohat Bari Tabahi Layega Or Ye Rishwat Ka Nasoor Apki Apni Khud Ki Hukumat Ko Deemak Ki Tarha Chaat Kar Khokla Kardega. Janay He Kitnay Hukamraan Rishwat Ko Khatam Karany Kay Pukhta Azam Lae Thay. Par Ye Nasoor Abhi Tak Wahin Ka Wahin Mujood Hai. Barae Meharbani Is Muamlay Par Bhi Apni Nazar-E-Sani Kijeye. Allah Nigehban, Pakistan Zindabad.
 

Bahisht Mujeeeb
About the Author: Bahisht Mujeeeb Read More Articles by Bahisht Mujeeeb: 4 Articles with 3363 viewsCurrently, no details found about the author. If you are the author of this Article, Please update or create your Profile here.