بحیرہ مردار کو انگریزی زبان میں Dead Sea کہا جاتا ہے
اور یہ دنیا کی سب سے بڑی نمکین جھیل ہے- یہ زمین پر سطح سمندر سے سب سے
نچلا مقام ہے، جو 420 میٹر (1378 فٹ) نیچے واقع ہے۔ البتہ یہ بحیرہ مردار
کے حوالے سے انتہائی عام معلومات ہیں جن سے ہر کوئی واقف ہے- لیکن ہم بحیرہ
مردار سے متعلق جو معلومات فراہم کرنے جارہے ہیں اس سے لوگوں کی ایک بڑی
اکثریت ناواقف ہے- جیسے کہ کیا آپ جانتے ہیں کہ بحیرہ مردار کو “ مردار “
کیوں کہتے ہیں؟ یا پھر اس میں اتنا زیادہ نمک کیوں ہے؟ ایسے ہی کئی سوالات
کے جوابات ہمارے آج کے اس آرٹیکل میں موجود ہیں- |
بحیرہ مردار کو “ مردار “ کیوں کہتے ہیں؟
بحیرہ مردار کو “ مردار “ اس وجہ سے کہا جاتا ہے کہ بہت زیادہ نمک ہونے کی
وجہ سے اس میں کسی بھی جاندار کا زندہ اس میں زندہ رہنا ناممکن ہے- تاہم
چھوٹے اجسام کے جراثیم ضرور اس کی تہہ میں پائے جاتے ہیں-
|
|
یہ سمندر نہیں ہے
بحیرہ مردار کو یوں تو سمندر کہا جاتا ہے لیکن تکنیکی اعتبار سے یہ ایک
کھارے پانی کی ایک جھیل ہے جس میں اردن کے دریا کا پانی بھی آ کر گرتا ہے-
|
|
کئی گنا زائد نمک
بحیرہ مردار میں دیگر سمندر کے مقابلے میں 9.6 گنا زائد نمک پایا جاتا ہے-
یہاں تک کہ بحیرہ مردار میں شامل ہونے والا دریائے اردن کا میٹھا پانی بھی
اس پر کوئی اثرات مرتب نہیں کرتا-
|
|
بحیرہ مردار اتنا نمکین کیوں؟
کیا آپ جانتے ہیں کہ بحیرہ مردار اتنا نمکین کیوں ہے؟ اس کا مختصر سا جواب
یہ ہے کہ “ بارش کا پانی“ - بارش کا پانی تیزابی ہوتا ہے اور گزرتے وقت کے
ساتھ یہ چٹانوں کو توڑ دیتا ہے اور اس یہ مزید تیزابی ہوجاتا ہے کیونکہ اس
میں سوڈیم اور کلورائیڈ بھی شامل ہوجاتے ہیں اور اسے نمک بھی کہا جاتا ہے-
|
|
منفرد موسم
بحیرہ مردار کے اردگرد کی سرزمین بنجر اور صحرائی ہے- یہاں تقریباً 330 دن
انتہائی دھوپ رہتی ہے٬ یہاں کی ہوا میں نمی کی سطح انتہائی کم ہے جبکہ بارش
بھی بہت کم ہوتی ہے- لیکن دلچسپ بات یہ ہے کہ آپ یہاں جتنی دیر بھی دھوپ
میں رہیں سورج کی شعاعیں آپ کی جلد کو متاثر نہیں کریں گی-
|
|
نمک کی موٹی تہہ ڈوبنے نہیں دیتی
اگر تیراکی کے شوقین نہیں ہیں یا آپ کو تیراکی نہیں آتی تو بحیرہ مردار آپ
کے لیے بہترین ہے- نمک کی وجہ سے اس سمندر کا پانی بھاری ہے اور یہ انسان
کو ڈوبنے نہیں دیتا اور وہ صرف پانی کے اوپر تیرتا رہتا ہے-
|
|
اضافی آکسیجن
بحیرہ مردار کی منفرد آب و ہوا کی ایک خصوصیت یہ بھی ہے کہ یہاں آپ کو
اضافی آکیسجن حاصل ہوتی ہے جس کی وجہ سے آپ خود کو تروتآزہ اور پرسکون
محسوس کرتے ہیں- |
|
صحت کے لیے بہترین
قدیم وقتوں سے بحیرہ مردار کو صحت کے لیے بہترین قرار دیا جاتا ہے- ہمیشہ
سے ہی بحیرہ مردار طبی ماہرین کے درمیان انتہائی مقبول رہا ہے- اور متعدد
تحقیق نے یہ ثابت کیا ہے کہ یہ مقام جلدی بیماریوں سے نجات کے لیے مددگار
ثابت ہوتا ہے- |
|