دیسی گھی اور مکھن کے انمول فوائد

قارئین !ایک زمانہ تھا کہ ہمارے آباؤ اجداد دیسی گھی کا ہی استعمال کرتے تھے اسی لئے ان کی صحت دیکھنے کے قابل ہوتی تھی لیکن آج کل دیسی کی قیمت آسمان سے باتیں کر رہی ہے اور عام طور پر خالص گھی کا بھی فقدان ہے۔ ہو سکتا ہے کہ جسے ہم دیسی گھی سمجھ رہے ہوں وہ ہمارے لئے بجائے فائدے کے نقصان کا باعث بن جائے۔
 

دیسی گھی کی طرح مکھن میں بھی وٹامن اے،وٹامن ڈی ،وٹامن کے ،کیلشیم،زنک،تانبا،میگنیشئیم ،سوڈیم اور ٓئیوڈین پایا جاتا ہے۔دودھ،دہی کی طرح مکھن کھانے والوں کی عمر میں بھی اضافہ ہوتا ہے۔مکھن اچھے کولیسٹرول کو بڑھاتا ہے اور یہ دل کی بیماریوں سے محفوظ رکھنے میں مدد گار ہے۔اگر تاریخ کے اوراق الٹا کر دیکھا جائے تو مکھن قدیم دور سے ہی انسان کی پسندیدہ غذا کے طور پراستعمال کیا جا تا رہا ہے ۔آج بھی گاؤں کے لوگ خالص مکھن استعمال کرتے ہیں جب کہ شہروں میں رہنے والوں کو خالص مکھن دستیاب نہیں ہے جو ہے وہ بھی کیمیکل سے تیار کیا جاتا ہے۔جو صحت کی بجائے نقصان کا موجب بن سکتا ہے۔

بچوں کی ذہنی صحت اور ہڈیوں کی مضبوطی کے لئے انہیں مکھن کا استعمال ضرور کروائیں۔کیونکہ مکھن میں فیٹ زیادہ ہوتے ہیں اس لئے اسے موٹے ،دل کے مریض۔جن کا کولیسٹرول بڑھا ہوا ہو یا جن کو بلڈ پریشر رہتا ہو وہ مکھن کا استعمال ہر گز نہ کریں۔

سب سے پہلے ہم درج ذیل میں دیسی گھی کے فوائد دیکھتے ہیں اس کے بعد ہم مکھن کے فوائد بھی دیکھیں گے۔