اب تک آپ نے تلواروں سے یا پھر اپنے منہ سے قینچی پکڑ کر
بال کاٹنے والے ہئیر ڈریسر کے بارے میں سنا ہوگا لیکن آج ہم آپ کو ایک ایسے
پاکستانی ہئیر ڈریسر کے بارے میں بتائیں گے جو بال کاٹنے کے لیے سر میں آگ
لگا دیتا ہے-
|
|
شفقت راجپوت پاکستان کے شہر بہاولپور سے تعلق رکھتے ہیں اور منفرد انداز
میں بال کاٹنے کی ویڈیو نے انہیں سوشل میڈیا پر راتوں رات شہرت کی بلندیوں
پر پہنچا دیا ہے-
ویڈیو میں دیکھا جاسکتا ہے کہ نوجوان ہئیر ڈریسر شفقت راجپوت اپنے گاہک کے
سر پر پہلے پاؤڈر چھڑکتے ہیں اور اس کے بعد بالوں میں لائٹر کی مدد سے آگ
لگاتے ہیں- اور آگ لگے رہنے کے دوران ہی کنگھی کی مدد سے بالوں کو تیزی کے
ساتھ سیدھا کرتے جاتے ہیں-
اس سارے عمل کے دوران گاہک بالکل پرسکون انداز میں بیٹھا رہتا ہے اور تمام
منظر کو شیشے میں دیکھتا رہتا ہے-
|
|
یہ حیران کن ویڈیو متعدد سوشل نیٹ ورکس پر پوسٹ کی گئی اور گزشتہ ہفتے کے
دوران لاکھوں مرتبہ دیکھی گئی- سوشل میڈیا کے صارفین کا اس حوالے سے ملا
جلا ردِ عمل سامنے آیا٬ بعض صارفین بال کاٹنے کے اس انوکھے طریقہ کار سے
کافی متاثر نظر آئے جبکہ اکثر صارفین نے اسے ایک انتہائی خطرناک اور نقصان
دہ عمل قرار دیا-
|
|
|