|
سردی اپنی پوری شدت کے ساتھ آچکی ہے٬ جیسے جیسے درجہ
حرارت گر رہا ہے کھانسی٬ نزلے٬ زکام اور بخار کی شکایات سامنے آرہی ہیں ۔
بہت سے لوگ بیماری کے حملہ آور ہوتے ہی طبی ماہرین کا رُخ کرتے ہیں لیکن
بہت سے لوگ گھریلو نسخے اور ٹوٹکوں کے ذریعے بیماری سے نجات پانے کے خواہاں
ہوتے ہیں۔ آسٹریا کے ماہر طب کیرن برنڈل اور آرٹ ڈائریکٹر نیسی ہوفر نے
ایسے لوگوں کیلئے اپنی کتاب میں ایسی گھریلو تراکیب بتائی ہیں جو کم خرچ
اور وقت میں بخار اور کھانسی کو بھگا دیتی ہیں۔
|
|
|
کیرن اپنی کتاب میں لکھتے ہیں کہ جب بخار بالخصوص بچوں کو بستر پر لٹا دیتا
ہے تو ایسے میں کڑوے سیرپ اورموٹی گولیاں زہر کی طرح لگتی ہیں لیکن اب اس
کے استعمال کی ضرورت نہیں بس اپنے موزوں کو سرکے میں ڈبوئیں اور پہن لیں اس
سے کچھ ہی دیر میں بخار کم ہونے لگے گا۔ کچھ لوگوں کو یہ طریقہ کچھ عجیب
لگے گا لیکن تیز بخار میں یہ ایک تیر بہدف نسخہ ہے۔
اس نسخے کو بنانے کیلئے 500 ملی لیٹر پانی٬ 2 کھانے کے چمچے سرکہ٬ 2 اون
والی جرابیں اور 2 تولئے لے لیں۔ سرکے اور پانی کو ملا کر اس میں تولیہ اور
جرابے ڈبولیں پھر تولئے کو سر پر رکھیں اور جرابیں مریض کو پہنا دیں۔ بستر
کو گیلا ہونے سے بچانے کیلئے خشک تولیہ اس کے گرد لپیٹ دیں۔ 45 منٹ بعد بھی
اگر بخار کم نہ ہو تو دوبارہ جرابوں کو بھگو کر پہنا دیں اس سے بہت جلد
بخار اُتر جائے گا۔
کھانسی سے نجات کی یہ ایک آسان اور بالکل نئی ترکیب ہے جس کیلئے 500 ملی
لیٹر دودھ ابال لیں٬ کچھ دیر بعد اس میں پیاز ڈالیں اور چند منٹ کے بعد
نکال لیں٬ اسے ٹھنڈا ہونے دیں٬ پھر ایک کھانے کا چمچہ شہد ملاکر پی لیں۔
ضروری نہیں کہ سارا دودھ ایک ہی نشست میں پی لیا جائے۔ اس دودھ کو کچھ وقفے
کے بعد گرم کر کے بھی پیا جاسکتا ہے۔
پیاز میں اینٹی بیکٹریل اور اینٹی انفلیمیٹری خصوصیات ہوتی ہیں جس میں شہد
اضافہ کردیتا ہے جبکہ یہ محلول انسان کے مدافعتی نظام کو مضبوط کرتا ہے٬
کھانسی اور بخار کو کم کرنے میں مدد گار ہوتا ہے۔
|
|
|
|
کتاب میں قبض سے نجات کیلئے بھی ایک قابل عمل نسخہ دیا گیا ہے جس کے مطابق
125 گرام پنیر٬ ایک چھلا اور کدوکش کیا ہوا سیب‘ ایک کھانے کا چمچہ السی کا
تیل اور ایک کھانے کا چمچہ شہد لے لیں۔ ایک پیالے میں پنیر٬ سیب٬ السی کا
تیل اور شہد ملاکر خوب اچھی طرح سے ملالیں٬ پھر تھوڑا سا پانی ملاکر پی لیں۔
یہ نظام ہضم کو بہتر بنا کر قبض کے خاتمہ کردیتا ہے۔
گیس کی شکایت کیلئے 2 چمچے اجوائن٬ 2 چمچے سویا٬ 2 چمچے سونف اور 250 ملی
لیٹر پانی لیں۔ سونف٬ اجوائن اور سوئے کو کوٹ لیں٬ اس میں سے 2 چائے کا
چمچہ آمیزہ ایک پیالی میں ڈالیں۔ اس میں اُبلتا ہوا پانی ڈالیں اور 10 منٹ
بعد بغیر چینی ملائے پی لیں جبکہ باقی آمیزہ محفوظ کرلیں۔
|