|
فرانس سے تعلق رکھنے والے ایک شخص کو اپنے ایک مرنے والے
رشتے دار کی جانب سے وراثت ملنے والے گھر نے راتوں رات ایک انتہائی بیش
قیمت خزانے کا مالک بھی بنا دیا- جی ہاں ایک فرانسیسی شخص جس کا نام ظاہر
نہیں کیا گیا کو ورثے میں ملنے والے گھر سے 100 کلو گرام سونا دریافت ہوا
ہے-
|
|
|
یہ 100 کلو سونا گھر کے مختلف حصوں سے مختلف اشکال میں دریافت ہوا جس کی
مالیت کا اندازہ 30 لاکھ 70 ہزار ڈالر لگایا گیا ہے-
دریافت ہونے والا سونا فرنچیر٬ باتھ روم اور ململ کے کپڑوں کے علاوہ گھر کے
مختلف مقامات پر چھپایا گیا تھا-
یہ سونا 12 کلو کی دو سونے کی سلاخوں٬ ایک کلو سونے کے چھوٹے ٹکڑے اور 5
ہزار سونے کے ٹکڑوں کی صورت میں تھا- اور اس سونے کو ایسی مہارت کے ساتھ
چھپایا گیا تھا کہ انہیں دیکھنا بالکل ناممکن تھا-
|
|
|
اس خزانے پر گھر کے نئے مالک کی نظر اس وقت پڑی جب اس نے گھر کی مختلف
چیزوں کو حرکت دینا شروع کی- آغاز میں فرنیچر کے اندر سے ایک ایسا صندوق
دریافت ہوا جس میں سونے کے سکے موجود تھے-
اس کے بعد کچھ سونا شراب کی بوتلوں کے ڈبے سے دریافت ہوا جبکہ آخر میں سونے
کی سلاخیں دریافت ہوئیں- گھر سے ہی ملنے والی چند دستاویز سے پتہ چلتا ہے
کہ یہ سونا 1950 سے 1960 کے دوران خریدا گیا تھا۔ |