سفاک شوہر نے سیلفی کے بہانے بیوی کی جان لے لی

آج تک آپ یہ تو ضرور سنتے آئے ہوں گے سیلفی کے جنون نے کسی فرد کی جان لے لی اور یہ جان خود فرد کی اپنی غلطی سے جاتی ہے لیکن بھارت میں تو ایک ظالم شوہر نے سیلفی لینے کے بہانے اپنی جواں سال بیوی کو ہی موت کے گھاٹ اتار دیا-
 

image

جی ہاں بھارتی شہر میرٹھ کا رہائشی آفتاب اپنی اہلیہ عائشہ اور 8 ماہ کے بچے کو سیر و تفریح کے لیے گنگا نہر پر لے گیا جہاں اس نے نہر کے کنارے کھڑے ہو کر بیوی کو سیلفی کے بہانے قریب بلایا اور اسے نہر میں دھکا دے دیا-

اس افسوسناک واقعے میں 22 سالہ عائشہ نہر میں ڈوب کر ہلاک ہوگئی جبکہ اس کا شوہر روتا پیٹتا تھانے پہنچ گیا اور وہاں اس نے بیان دیا کہ ڈاکوؤں نے اسے لوٹنے کی کوشش کی اور مزاحمت کرنے پر اس کی بیوی کو نہر میں پھینک دیا-

تاہم جب پولیس نے تفتیش کا آغاز کیا تو اس نے خود شوہر کو ہی متضاد بیانات کی وجہ سے مشکوک پایا- اور جب پولیس نے سختی اختیار کی تو سفاک شوہر نے سب کچھ سچ سچ بتا دیا-
 

image


پولیس کے مطابق آفتاب نے یہ قتل جہیز کے لالچ میں کیا کیونکہ آفتاب کو اس بات کا غم تھا کہ اس بیوی جہیز کم لائی ہے اور وہ اکثر اس بات پر اس سے جھگڑتا رہتا تھا اور ساتھ ہی مزید جہیز کا مطالبہ بھی کرتا تھا- اور اسی بات کا بدلہ لینے کے لیے ملزم نے اپنی اہلیہ کو نہر میں دھکا دے کر اس کی جان لے لی-

YOU MAY ALSO LIKE:

A man allegedly killed his 24-year-old wife for dowry by pushing her into a canal while clicking selfie in Sardhana area here, police said today. Ayesha was yesterday pushed into Ganga canal by her husband Aftab (30) for dowry, a police spokesperson said.