Khudi Ko Kar Buland Itna K
Her Taqdeer Se Pehlay
Khuda Banday Se Khud Pochay K Bata Teri Raza Kia Hai
Ye Lines Humain Kuch Sabq Sikha Rahin Hain Lekin Hum Ne Apni Khudi Ko Itna Gira
Dia Hai K Hum America Se Poch Rahay Hain K Ab Humain Kia Karna Hai. Hum Sirf Nam
K Muslim Reh Gay Hain Baqi Kam Tu Sara Wo Kar Rhay Hain, Hum Ne Bhi Wohi Rawish
Apna Li Hai K Humain Kon Sa Marna Hai Aur Kon Sa Hisab Kitab Dena Hai Is Liye Jo
Jee Main Aye Wo Karty Jao Agay Dekhi Jai Gi. Khof E Khuda Tu Humain Raha He Nahi.
Hamaray Piyre Nabi HAZRAT MUHAMMAD S.A.W Ne Farmaya K Jesa Tumharay Amal Hongay
Wesay He Tum Ko Hukmran Diye Jain Gay Aur Aaj Ye Hi Hamari Position Hai K Hum
Dosron Se Bhee Mangnay Per Majboor Hain Aur Is K Siwa Mulk Nahi Chal Sakta Afsos
Ki Bat Hai Hum Ne ALLAH PAK Ko Chor Kar I M F Ko Apna Khuda Bana Lia Hai K Us Ne
Qarza Dia Tu Theek Warna Mulk Hath Se Gaya.Hamaray Hukmran Apni Shah Kharchyion
Main Lakhon Rupay Ura Rahain K Un Ko Koi Parwah He Nahi, Ye Sare Hamary Apnay
Kartoot Hain Jis Ki Aaj Humain Saza Mil Rahi Hai. Hum Log Nimaz Parhnay Ko Apna
Bojh Samjhtay Hain Aur Kehtay Hain ALLAH Hum Se Naraz Hai Bhai ALLAH Kia Kare
Tum Logon Ne ALLAH Ko Sirf Zaroorat K Liye Rakha Hwa Hai Is Tarh Tu Dosray
Mazhab Wale Bhi Kartay Hain Jab Un Per Koi Mushkil Aati Hai Tu Wo Church Ya
Mandir Main Jatay Hain Aur Hum Bhi Museebat K Waqt Masjid Ka Darwaza Pakr Kar
Beth Jatay Hain , Abhi Quetta Aur Zia Rat Mian Zilzila Aya Tu Log Toba Kar Rahay
Thay Ye Achi Bat Hai Lekin Jo Zilzilay Main Mar Gay Un Ko Toba Ka Moqa Na Mil
Saka, Is Liye Waqt Anay Se Pehaly Us ALLAH Ki Tarf Lout Aao JO Ye Sara Jahan
Chala Raha Hai Aur Us Ki Hum Per Khas Inayat Hai K Us Ne Humain Kalmay Se Nawaza
Hai Is Liye Is Kalmay Ka Kuch Ehtram Karo Aur Palt Aao Us Ki Tarf Jis Ki Rehmat
Tumain Pukar Rahi Hai.