رمضان کے اختتام پر عیدالفطر اﷲ تعالیٰ کی طرف سے
مسلمانوں کے لیے ایک انعام ہوتی ہے- دنیا بھر کے مسلمان عیدالفطر مختلف
انداز سے مناتے ہیں- لیکن جیسی عید پاکستانی عوام مناتی ہے اس کی مثال پوری
دنیا میں کہیں نہیں ملتی- پاکستانی عوام کا عید منانے کا انداز انتہائی
نرالہ ہوتا ہے- آئیے پاکستانی عوام کی عید کی چند جھلکیاں دیکھیں-
|
|
رمضان کے آخری دنوں میں دو دلچسپ سوال پوری پاکستانی قوم
ایک دوسرے سے ضرور پوچھتی دکھائی دیتی ہے٬ ایک چاند نظر آئے گا یا نہیں اور
دوسرا روزے 29 ہوں گے یا پورے 30؟
|
|
اکثر پاکستانی خواتین کی عید تو درزی اس وقت دلچسپ بنا دیتے ہیں جب عید
کا ڈریس خواتین کو وقت پر تیار ہو کر نہیں ملتا- جس کے بعد درزی سے ہزارہا
شکوے پیدا ہوجاتے ہیں-
|
|
پاکستانی نوجوانوں کے لیے چاند رات بھی انتہائی اہم ہوتی ہے کیونکہ روایت
کے مطابق وہ اپنی تمام خریداری اسی رات کو دوستوں کے ساتھ مل کر مکمل کرتے
ہیں اور خوب تفریح کرتے نظر آتے ہیں-
|
|
عید کی نماز ادا کرنے کی خوشی تو ناقابلِ بیان ہوتی ہے٬ یہ وہ موقع ہوتا ہے
جب مسجد میں ہر کوئی نیا لباس پہنے دکھائی دیتا ہے اور نماز کے اختتام پر
سب ایک دوسرے کو گلے ضرور لگاتے ہیں- پاکستانی عوام اس نماز کی فکر رات سے
ہی شروع کردیتی ہے تاکہ کہیں صبح دیر نہ ہوجائے اور نماز رہ جائے-
|
|
مہمانوں سے عیدی وصولنے کا مرحلہ بھی دلچسپ ہوتا ہے بالخصوص بچوں کے لیے٬
لیکن جو مہمان بغیر عیدی دیے جاتے ہیں ان کے لیے تو بچوں کے دل سے یہی آواز
نکلتی ہے “ جب عیدی نہیں دے سکتے تو گھر کیوں آتے ہو؟“-
|
|
پاکستان میں عید کے موقع پر گلے ملنے والے بھی دو قسم کے ہوتے ہیں٬ ایک وہ
جو نہایت گرمجوشی سے گلے ملتے ہیں اور دوسرے وہ جو صرف روایت پوری کرتے
دکھائی دیتے ہیں- اور اس چیز میں الجھے ہوئے ہوتے ہیں کہ پہلے دائیں طرف
گلے لگانا یا پھر بائیں طرف؟
|
|
پاکستانی عوام کی عید شیر خورمہ کے بغیر نامکمل ہے- انہیں صبح سویرے یہ
میٹھا کھانے کو نہ ملے تو سمجھو عید کا آغاز ہی نہیں ہوا- شیر خورمہ کے
بغیر پاکستانی عوام عید منانے کا تصور بھی نہیں کرسکتی-
|
|
شیر خورمہ کی مانند عید پر بریانی کو بھی نظر انداز
نہیں کیا جاسکتا- کچھ لوگوں کو تو دیکھ کر لگتا ہے کہ انہیں عید سے زیادہ
بریانی ملنے کی خوشی ہے- پاکستانی ویسے بھی کھانے کے شوقین سمجھے جاتے ہیں-
|