4 سالہ بچے کی جان بچانے والا حقیقی “اسپائیڈر مین“ اور نوازشات

فرانس کے دارالحکومت پیرس میں مالی سے آئے ایک نوجوان نے بہادری کا ایسا مظاہرہ کیا کہ فرانسیسی حکومت نے نہ صرف اسے پیرس کے فائر بریگیڈ کے محکمے میں ملازمت کی پیشکش کی بلکہ اسے فرانس کی شہریت سے بھی نواز دیا-

جی ہاں مالی سے اپنی زندگی سنوارنے کے لیے فرانس آنے والے 22 سالہ نوجوان Mamoudou Gassama نے اپنی زندگی کی پرواہ کیے بغیر ایک 4 سالہ بچے کی زندگی بچا کر سب کے دلوں گھر کر لیا-
 

image


رپورٹ کے اختتام پر موجود ویڈیو میں دیکھا جاسکتا ہے کہ کیسے بہادری سے اس نوجوان نے ایک عمارت کی چوتھی منزل تک چڑھ کر اپارٹمنٹ کی بالکونی سے لٹکتے بچے کو محفوظ طریقے سے نیچے اتار لیا جس سے بچے کی جان بچ گئی- اور یہ حیرت انگیز کارنامہ نوجوان نے صرف چند سیکنڈ میں سرانجام دیا-

جب تک پیرس کی ایمرجنسی کی گاڑیاں عمارت تک پہنچیں Mamoudou Gassama نے اس سے قبل ہی
بچے کو محفوظ انداز سے بالکونی سے نیچے اتار چکے تھے اور یہ حیران کن مناظر دیکھنے والے خوشی کا اظہار کررہے تھے-

اس کارنامے پر Mamoudou Gassama کو صدر Emmanuel Macron کی جانب سے Élysée پیلس میں مدعو کیا گیا جہاں انہیں اس بہادری کے اعتراف میں سرٹیفیکیٹ اور گولڈ میڈل سے نوازا گیا-

نوجوان کا کہنا تھا کہ “ میں نے اس وقت کچھ بھی نہیں سوچا تھا٬ بس میں چڑھتا گیا اور خدا نے میری مدد کی “-

جب یہ واقعہ رونما ہوا تو اس وقت Mamoudou Gassama عمارت کے پڑوس میں واقع ایک مقامی ریسٹورنٹ پر بیٹھے فٹبال میچ دیکھ رہے تھے- تاہم جب ان کی نظر بالکونی پر پڑی تو انہیں احساس ہوا کہ بچے کی جان خطرے میں ہے-

Mamoudou Gassama کا کہنا تھا کہ “ مجھے بچوں سے محبت ہے اور انہیں اگر کوئی میرے سامنے تکلیف پہنچائے تو مجھے نفرت ہوتی ہے“-

میں اس بچے کے لیے بھاگا اور حل تلاش کرنے لگا کیسے اسے بچاؤں؟ خدا کا شکر ہے کہ میں کامیاب ہوگیا اور عمارت کی بالکونی تک پہنچ گیا جہاں وہ لٹک رہا تھا- بچہ اس وقت رو رہا تھا کیونکہ وہ زخمی ہوچکا تھا“-
 

image


جس وقت یہ واقعہ پیش آیا اس وقت بچے کے والد خریداری کے لیے گھر سے باہر تھے- تاہم ان سے بھی تفتیش کی گئی کہ انہوں نے اتنی غیر ذمہ داری کا مظاہرہ کیسے کیا؟ اور بچے کو گھر اکیلا چھوڑ دیا-

پیرس کی مئیر Anne Hidalgo نے بھی اپنے آفیشل ٹوئٹر اکاؤنٹ پر Mamoudou Gassama کا شکریہ ادا کیا اور ساتھ ہی اس بہادری پر انہیں مبارکباد بھی پیش کی-

مئیر کا کہنا تھا کہ “ یہ نوجوان اپنے خوابوں کو حقیقت میں بدلنے کے لیے چند ماہ قبل ہی مالی سے پیرس آیا ہے اور اس کا یہ عمل پیرس کے تمام شہریوں کے لیے ایک اعلیٰ مثال ہے- اور پیرس یقیناً فرانس میں قیام کے حوالے سے اس نوجوان کی مدد کرے گا“-

 
YOU MAY ALSO LIKE:

A young Malian migrant who rescued a child dangling from a balcony will be made a French citizen and has been offered a job by the Paris fire brigade, the office of the French presidency said.