|
مائیکرونیشین جزیرے Yap پر استعمال ہونے والے کرنسی
انتہائی منفرد ہے کیونکہ یہ دنیا کی سب سے بڑی اور بھاری کرنسی ہے- اس
چھوٹے سے جزیرے پر درحقیقت کرنسی کے طور پر بڑے بڑے مخصوص گول پتھر استعمال
کیے جاتے ہیں جن کا وزن گاڑی سے بھی زیادہ ہوتا ہے-
|
|
|
|
یہ پتھر صدیوں سے کرنسی کے طور پر استعمال کیے جارہے ہیں اور تاحال ان کا
لین دین جاری ہے- یوں تو مائیکرونیشین جزائر پر سرکاری طور پر ڈالر کو
سرکاری کرنسی کے طور پر استعمال کیا جاتا ہے لیکن Yap کے باشندے کرنسی کے
لیے ان دیوقامت پتھروں کو بھی استعمال کرتے ہیں-
پورے جزیرے پر ایسے سینکڑوں ڈسک نما پتھر دکھائی دیتے ہیں٬ کچھ ہوٹلوں کے
اطراف میں تو کچھ گھنے جنگلوں میں لیکن زیادہ تر پتھر گاؤں میں موجود
ورچوئل بینکوں میں رکھے گئے ہیں-
اس وقت جزیرے پر تقریباً 13 ہزار ایسے پتھر کرنسی کے طور پر استعمال کیے
جارہے ہیں جن کا قطر 30 سے سینٹی میٹر سے لے کر 3.50 میٹر کے درمیان ہے- جو
پتھر جتنا بڑا ہوگا اس کی قدر اتنی زیادہ ہوگی-
کہا جاتا ہے کہ آغاز میں ان مخصوص شکل کے حامل پتھروں کو تحفے میں دینے کے
لیے استعمال کیا جاتا تھا لیکن جلد ہی یہاں کے باشندوں کو لگنے لگا کہ یہ
قیمتی پتھر ہیں تو انہوں نے اسے رقوم کے طور پر استعمال کرنا شروع کردیا-
|
|
|
|
دلچسپ بات یہ ہے کہ اس جزیرے پر اس دیوقامت کرنسی کو روزمرہ کے لین دین میں
استعمال نہیں کیا جاتا بلکہ چند خاص مواقعوں جیسے لڑکی کے جہیز میں یا پھر
کسی خاص صورتحال میں کی جانے والی تجارت میں استعمال کیا جاتا ہے-
|