دنیا کے سب سے بڑے بحری جہاز اور دلچسپ خصوصیات

آپ نے بحری جہازوں کے بارے میں تو ضرور سنا ہوگا لیکن ہم آج جن بحری جہازوں کا ذکر کرنے جارہے ہیں یہ کوئی بحری جہاز نہیں بلکہ دنیا کے سب سے بڑے بحری جہاز ہیں- یہ بحری جہاز انتہائی پرتعیش ہونے کے علاوہ متاثر کن سہولیات سے آراستہ ہوتے ہیں- یہ ایک ایسے شہر کی مانند ہوتے ہیں جو سمندر پر دوڑ رہا ہوتا ہے- ان بحری جہازوں میں سوئمنگ پول٬ ہیلی پیڈ٬ تھیٹر اور کیسینو سمیت کئی ناقابلِ یقین اور دلچسپ خصوصیات موجود ہوتی ہیں-
 

Liberty of the Seas
یہ بحری جہاز 2007 میں تعمیر کیا گیا تھا اور اس وقت یہ دنیا کا سب سے بڑا کروز شپ تھا- اس دیوقامت بحری جہاز میں بیک وقت 4,960 مسافر سفر کر سکتے ہیں- اس بحری جہاز کا وزن 1 لاکھ 54 ہزار 407 ٹن ہے-

Norwegian Escape
اس پرکشش کروز شپ کی لمبائی 1,069 فٹ ہے جبکہ اس کا وزن 1 لاکھ 64 ہزار ٹن- اس جہاز پر کی جانے والی دلچسپ پینٹنگ Guy Harvey کا کمال ہے- اس بحری جہاز میں بیک وقت 4 ہزار 248 مسافر سفر کر سکتے ہیں-

Norwegian Joy
یہ خوبصورت رنگوں سے آراستہ بحری جہاز گزشتہ سال ہی تعمیر کیا گیا ہے- اس بحری جہاز کا وزن 1 لاکھ 67 ہزار 800 ٹن ہے- اس جہاز میں 4 ہزار 200 مسافروں کے سفر کرنے کی گنجائش موجود ہے-

Ovation of the Seas
یہ بحری جہاز بہاماز کے اردگرد سفر کرتا ہے- یہ بحری جہاز 16 decks کا مالک ہے اور 4 ہزار 905 مسافروں کو بیک وقت ان کی منزل تک پہنچانے کی صلاحیت رکھتا ہے- اس بحری جہاز کا وزن 1 لاکھ 68 ہزار 886 ٹن ہے-

Anthem of the Seas
اس بحری جہاز میں بھی 16 decks موجود ہیں اور اس کی لمبائی 1 ہزار 141 فٹ ہے- یہ بحری جہاز سال 2015 میں تعمیر کیا گیا تھا- اس بحری میں جہاز میں بیک وقت 4 ہزار 905 مسافر سفر کرسکتے ہیں جبکہ اس کا وزن 1 لاکھ 68 ہزار 666 ٹن ہے-

Quantum of the Seas
1 لاکھ 67 ہزار 800 ٹن وزنی بحری جہاز خصوصی طور پر بہاماز کے سفر کے لیے تیار کردہ ہے- اس بحری جہاز کی 16 منزلیں ہیں جبکہ اس کی لمبائی 1141 فٹ- اس بحری جہاز میں بھی بیک وقت 4 ہزار 905 مسافر سفر کر سکتے ہیں-