ہماری بہت سی عام عادات ایسی ہیں جو ہماری زندگی کے
دورانیے کم کر رہی ہوتی ہیں لیکن ہمیں اس بات کا احساس تک نہیں اور ہم یوں
ہی اپنی زندگی موج مستی میں گزارے جارہے ہوتے ہیں- درحقیقت ہماری یہ عام
عادات ہمیں مختلف بیماریوں کا شکار بنا دیتی ہیں یا پھر ان کے انتہائی قریب
لے جاتی ہیں جس کے ہماری صحت پر منفی اثرات مرتب ہوتے ہیں- ایسی ہی چند بری
عادات کا ذکر مندرجہ ذیل میں موجود ہیں اور ہمیں یقین ہے کہ آپ ان کے بارے
میں جاننے کے بعد فوراً ان عادات کو ترک کرنے کوشش کریں گے-
|
Your unpredictable
schedule
بےقاعدگی سے کھانا کھانے کی عادت انتہائی نقصان دہ ہوتی ہے- یہاں تک کہ اگر
آپ دوپہر کا کھانا کبھی ایک گھنٹہ تاخیر سے بھی کھائیں تو آپ کے جسم میں
موجود دباؤ کے ہارمون کی سطح میں اضافہ ہونے لگتا ہے- اور یوں آپ کی صحت
بگڑنے لگتی ہے- کوشش کیجیے کہ آپ کے سونے٬ کھانے اور ورزش کرنے کا وقت
روزانہ ایک ہی ہو- ان معمولات کے اوقات میں بےقاعدگی آپ کو بیمار بنا سکتی
ہے- |
|
Your fruit and veggie selections
پہلے سے محفوظ کردہ سبزیوں یا پھلوں کا استعمال کرنا نقصان دہ ہوتا ہے
کیونکہ ان میں موجود وہ اجزاﺀ جو بیماریوں کے خلاف مزاحمت کرتے ہیں ختم
ہوچکے ہوتے ہیں- ہمیشہ تازہ سبزیاں اور پھل استعمال کریں اور اس وقت خریدیں
جب ان کا موسم ہو-
|
|
Your gym workout
اگرچہ آپ روزانہ لازمی ورزش کرتے ہیں اور اس میں ناغہ نہیں کرتے لیکن اس کے
بعد باقی دن بیٹھ کر گزار دیتے ہیں تو آپ کی یہ عادت آپ کے بلڈ شوگر٬
کولیسٹرول اور بلڈ پریشر اور منفی اثرات مرتب کرسکتی ہے- ایسے چھوٹے چھوٹے
کام یا طریقے تلاش کیجیے جنہیں کرنے کے لیے آپ تھوڑا بہت چلتے رہیں-
|
|
Your nail biting
دانتوں سے ناخن کترنا ایک انتہائی بری عادت ہے جو آپ کی صحت پر بہت زیادہ
منفی اثرات مرتب کرتی ہے- ترکی میں کی جانے والی ایک تحقیق میں یہ بات
سامنے آئی ہے کہ اس عادت میں مبتلا افراد ڈائیریا اور قے کا شکار باآسانی
بن سکتے ہیں کیونکہ ان کے جسم میں ان بیماریوں کے جراثیم باآسانی داخل
ہوجاتے ہیں-
|
|
Your 'sad desk lunch'
کیا آپ جانتے ہیں کہ آپ کا آفس جراثیموں کا گھر ہوتا ہے؟ جی ہاں سب سے
زیادہ جراثیم آپ کی اپنی کمپیوٹر ٹیبل ہی ہوتے ہیں- اگر آپ کو آفس میں
دوپہر کا کھانا اپنی نشست پر ہی بیٹھ کھانے کی عادت ہے تو فوراً اس عادت کو
ترک کردیجیے کیونکہ اس وقت آپ غذا کے ساتھ ساتھ اپنے جسم میں وہاں موجود
جراثیم بھی داخل کر رہے ہوتے ہیں- یہ جراثیم آپ کو مختلف قسم کے وائرس کا
شکار بنا سکتے ہیں- اس لیے ضروری ہے کہ آپ ملازمت کے دوران کھایا جانے والا
کھانے کمپیوٹر ٹیبل کے بجائے کہیں اور کھائیں-
|
|
Your smoking habit
تمباکو نوشی کی عادت صرف کینسر ہی کا سبب نہیں بنتی بلکہ یہ آپ کے مدافعتی
نظام کو بھی کمزور بناتی ہے- جس کی وجہ سے آپ باآسانی نزلہ٬ زکام اور
نمونیا کا شکار بن سکتے ہیں- اس لیے کوشش کریں کہ اس عادت سے بھی چھٹکارا
حاصل کرلیں-
|
|
Your unwashed bed sheets
دھول مٹی میں پائے جانے والے کیڑے آپ کے گرم بستر سے اتنا ہی پیار کرتے ہیں
جتنا کہ آپ- اگر آپ کو اپنا بستر جھاڑنے اور چادر وغیرہ دھو کر بچھانے کی
عادت نہیں ہے تو پھر آپ باآسانی دمہ یا الرجی کا شکار بن سکتے ہیں- صحت و
تندرستی چاہتے ہیں تو بستر نہ جھاڑنے کی بری عادت ترک کر کے بستر کی صاف
صفائی رکھنے کی اچھی عادت اپنائیے-
|
|