عمارتوں کا استعمال ترک کرنے اور انہیں ویران چھوڑ دینے
کی کئی وجوہات ہوسکتی ہیں- ان وجوہات میں جنگیں٬ سیاسی بدامنی٬ قدرتی آفات٬
فنڈ کی کمی یا پھر بہتر جگہ کی تلاش جسے عوامل شامل ہیں- آج دنیا میں ایسی
متعدد ویران فیکٹریاں٬ ائیرپورٹ٬ اسپتال اور گھر موجود ہیں جہاں کبھی زندگی
اپنی تمام تر رعنائیوں کے ساتھ دکھائی دیتی تھی- اور آج یہ مقامات کسی
کھنڈر کا منظر پیش کرتے ہیں جنہیں دیکھ کر وحشت ہوتی ہے- چند ایسے ہی وحشت
زدہ مقامات کی تصاویر آج کے ہمارے اس آرٹیکل میں بھی موجود ہیں-
|
|
جرمنی کے شہر برلن میں واقع عراق کے سفارت خانے کی سابقہ عمارت جس کی
دیواریں دلچسپ پینٹنگ سے آراستہ ہیں-
|
|
یہ سوویت آرمی کا سابقہ ہیڈکوارٹر ہے جو کہ جرمنی کے علاقے Wuensdorf میں
واقع ہے- تصویر میں ہیڈکوارٹر میں موجود سوئمنگ پول کی باقیات دیکھی جاسکتی
ہیں-
|
|
یہ یوکرین کے چرنوبل نیوکلئیر پاور پلانٹ کے نزدیک واقع شہر Pripyat کی ایک
عمارت کا اندرونی منظر ہے جسے کیمیائی حادثے کا بعد ویران چھوڑ دیا گیا تھا-
|
|
یہ بڈاپسٹ میں واقع سابقہ سوویت ہاسپٹل کی تصویر ہے جسے 1991 میں ہنگری سے
نکلنے والے فوجی قافلوں نے ویران چھوڑ دیا-
|
|
تھائی لینڈ کے شہر بنکاک میں واقع نیو ورلڈ نامی ڈپارٹمنٹ اسٹور کا منظر
جسے 1997 میں بند کردیا گیا- اس اسٹور میں ایک خفیہ ایکوریم بھی موجود تھا-
|
|
یہ چین کے شہر بیجنگ کے مضافات میں واقع اینٹیں بنانے والی ایک فیکٹری تھی
جسے آلودگی کو کم کرنے حوالے سے چلائی جانے والی مہم کے دوران بند کر دیا
گیا-
|
|
قطرینہ طوفان کی تباہی کو 10 سال سے بھی زائد کا عرصہ گزر چکا لیکن آج بھی
Louisiana کے علاقے New Orleans میں ویران گھروں کی صورت میں اس کے اثرات
دیکھے جاسکتے ہیں-
|
|
یہ بھی قطرینہ طوفان کا شکار بننے والے ایک ویران گھر
کا اندرونی منظر ہے جہاں گھر کے کسی مکین کا ایک کوٹ اب بھی ہینگر پر موجود
ہے-
|
|
یونان کے ایک گاؤں Kleitos کے ایک ویران گھر میں طویل
مدت بعد بھی میز پر پلیٹیں موجود ہیں- یہ گاؤں Greek Public Power
Corporation نے پاور پلانٹ کی تعمیر کے لیے خرید لیا تھا-
|
|
نیویارک کا Grossinger's Catskill Resort ایک زمانے میں
مشہور ترین سیاحتی مقام تھا- تاہم 80 کی دہائی میں اس تفریحی مقام کے مالک
کے انتقال کے بعد اسے ویران چھوڑ دیا گیا- |