ہم یہ دعوے سے کہہ سکتے ہیں کہ آپ کو بھی اپنے ملک یا
ملکی حالات سے کوئی نہ کوئی شکایت ضرور ہوگی- درحقیقت دنیا میں کوئی بھی
ملک ایسا نہیں ہے جو مکمل طور پر برائیوں سے پاک ہو- دنیا کے سامنے کوئی
ملک چاہے کتنا بھی اچھا ہو لیکن وہاں کے باشندوں کو اپنے ملک کے کسی نہ کسی
ایک شعبے میں کوئی شکایت ضرور ہوتی ہے- اسی اعتبار سے ہم یہاں آج آپ کو
دنیا کے چند ممالک کے باشندوں کی اپنے ملک سے شکایت کے بارے میں بتا رہے
ہیں-
|
|
یونان کے بیشتر حصوں میں ٹیکس کی چوری عام ہے اور اس چوری کو حق سمجھا جاتا
ہے- یونان کی عوام اکثر اسی حوالے سے شکوہ کرتی نظر آتی ہے-
|
|
آذربائیجان میں اقربا پروری بہت زیادہ ہے٬ یہاں ملازمتیں زیادہ اپنے خاندان
یا دوست احباب کو دی جاتی ہیں اور ان سے زیادہ پڑھے لکھے افراد کو نظر
انداز کر دیا جاتا ہے-
|
|
جنوبی افریقہ میں تشدد٬ اغواﺀ اور کرپشن کی شکایات عام پائی جاتی ہیں-
|
|
آج کی ترقی یافتہ دنیا میں بھی فلپائن کے باشندوں کو اپنے ملک میں انٹرنیٹ
سروس کی سست رفتار کی شکایت ہے-
|
|
کینیڈا کی عوام کا اپنی حکومت سے شکوہ ہے کہ امریکہ سے زیادہ ہمیں توجہ دی
جائے کیونکہ ہمارے اپنے مسائل بہت زیادہ ہیں-
|
|
آسٹریلیا میں کسی بھی چیز کی شپنگ انتہائی مہنگی ہے- بعض اوقات کسی کو تحفہ
بھیجنے پر آنے والے اخراجات اس تحفے کی مالیت سے بھی زیادہ ہوتے ہیں-
|
|
سنگاپور میں پریس پر بہت سی پابندیاں عائد ہیں اور ملک کے اندرونی معاملات
سے متعلق ہر خبر آزادانہ طریقے سے شائع نہیں کی جاسکتی-
|
|
میکسیکو میں اسکول سے لے کر میڈیا تک ہر چیز پر حکومت
اور فوج کا کنٹرول ہے٬ جیسا وہ چاہیں ویسا وہاں کی عوام کو بتائیں-
|
|
ملائیشیا میں چین اور بھارت کے خلاف نسل پرستی عروج پر
ہے-
|
|
پرتگال میں کسی کو بھی سیاسی حالات کی پرواہ نہیں یہاں
صرف فٹبال کا شوق رکھنے والے لوگ پائے جاتے ہیں- |