ہم اکثر مختلف جگہوں کے موسم کے عجیب ہونے کے حوالے سے
بات کرتے ہیں لیکن دنیا کے گرم ترین مقامات میں شامل ایک مقام پر ہونے والی
برفباری نے تو سب کو ہی حیرت میں مبتلا کردیا-
|
|
جی ہاں گزشتہ اتوار کو الجیریا کے صحرائی قصبے Ain Sefra میں ہونے والی
برفباری نے دیکھتے ہی دیکھتے ہی علاقے کا نظارہ بدل ڈالا- اس قصبے کو “
صحارا کا دروازہ “ کے طور پر بھی جانا جاتا ہے- یہ قصبہ مشہور صحارا صحرا
کے قریب واقع ہے-
دنیا گرم ترین مقامات میں شامل اس علاقے میں گزشتہ 40 سالوں کے دوران یہ
تیسرا موقع ہے جب یہاں برفباری ہوئی ہے- بعض رپورٹ کے مطابق اس علاقے کے
چند حصوں میں 15 انچ تک برفباری ہوئی ہے لیکن سرکاری رپورٹ کے مطابق قصبے
میں 1 انچ سے بھی کم برفباری ہوئی ہے-
|
|
تاہم یہ ایک ایسے مقام پر دکھائی دینے والا دلکش نظارہ تھا جہاں موسمِ گرما
کے دوران سب سے زیادہ درجہ حرارت ریکارڈ کیا جاتا ہے-
البتہ یہ برفباری درجہ حرارت کے حوالے سے کوئی غیر معمولی بات نہیں ہے
کیونکہ اب اکثر صحراؤں کا رات کے وقت درجہ حرارت 10 فارن ہائیٹ تک رہتا ہے
جس کا مطلب ہے کہ اس جگہ تھوڑی بہت برفباری ممکن ہے-
|
|
اس برفباری کے بعد صحرا کے حسین مناظر کو اپنے کیمرے میں قید کرنے والے
فوٹوگرافرز کا کہنا تھا کہ “ سب اچھی بات یہ ہے کہ یہ برفباری دن کے اچھے
حصے میں ہوئی اور برف پگھلنے کے بجائے کافی دیر تک قائم رہی“-
فوٹوگرافر Karim Bouchetata کہتے ہیں کہ “ یہ ہمارے لیے انتہائی حیران کن
تھا کہ جب ہم سو کر اٹھے تو دوبارہ برف کو موجود دیکھ سکتے تھے- برف اتوار
کے پورے دن موجود رہی اور شام 5 بجے کے قریب پگھلنا شروع ہوئی“-
|
|
برفباری کے بعد پورا علاقہ دلکش مناظر پیش کرنے لگا جو کسی کو بھی کچھ وقت
تک اپنے سحر میں جکڑنے کی صلاحیت رکھتے تھے-
|
|
گزشتہ سال بھی اس مقام پر برفباری ہوئی تھی جبکہ اس سے پہلے 37 سال قبل بھی
دنیا کے اس گرم ترین صحرا میں برفباری ہوئی تھی-
|
|