گوگل کے پاس موجود ذاتی معلومات کو کیسے مٹایا جائے؟

گوگل کو علم ہے کہ آپ اس پر کیا ڈھونڈ رہے ہیں، آپ کی کس چیز میں دلچسپی ہے، آپ کون سی ویب سائٹ کا استعمال کرتے ہیں۔

'آپ گوگل استعمال کرتے وقت ہمارے ساتھ اپنی ذاتی معلومات فراہم کرتے ہوئے ہم پر بھروسہ کرتے ہیں‘
 

image


گوگل کے ضوابط کار کی پہلی سطر میں یہ درج ہے کہ دنیا کے مقبول ترین سرچ انجن کو استعمال کرنے والے اس سے کیا توقع کر سکتے ہیں۔

لیکن کئی صارفین کو یہ علم نہیں ہے کہ 'مائی ایکٹیوٹی' نامی فنکشن کو استعمال کر کے وہ اپنی کوئی بھی ذاتی معلومات گوگل سے ختم کر سکتے ہیں۔

یہاں ہم آپ کو ان کے بارے میں بتائیں گے۔

1) گوگل پر کی جانے والی تمام سرچ مٹا دیں
جب بھی آپ گوگل پر کچھ سرچ کرتے ہیں تو گوگل اسے آپ کے اکاؤنٹ سے منسلک کر دیتا ہے۔ آپ انٹرنیٹ پر کوئی فارم پر کریں یا گوگل پر اپنی ای میل چیک کریں وہ تمام چیزیں 'مائی ایکٹیویٹی' کے ریکارڈ میں شامل ہو جاتی ہیں۔

آپ اس پر اپنی مرضی کے مطابق مختلف اوقات میں سرچ کی ہوئی مختلف چیزیں مٹا سکتے ہیں اور اگر چاہیں تو سرچ کی ہوئی تمام کی تمام چیزیں وہاں سے حذف کر سکتے ہیں۔
 

image


گوگل آپ کو ایسا کرنے پر ایک تنبیہی پیغام دے گا لیکن حقیقت میں تمام معلومات کو حذف کرنے سے کوئی نقصان نہیں ہوگا۔

2) یو ٹیوب پر موجود اپنی تمام معلومات مٹا دیں
گوگل اپنے سرچ انجن کی طرح یو ٹیوب پر بھی اپنے صارفین کی تمام معلومات رکھتا ہے لیکن اسے بھی مٹانا نہایت آسان ہے۔
 

image


سب سے پہلے بائیں جانب موجود مینو میں 'ہسٹری' کو کلک کریں اور اس میں 'کلئیر آل سرچ ہسٹری' پر کلک کر دیں۔

3) وہ تمام معلومات کیسے مٹائیں جائیں جو اشتہارات دینے والی کمپنیاں آپ کے بارے میں رکھتی ہیں؟
گوگل نہ صرف آپ کے بارے میں تمام معلومات رکھتا ہے بلکہ وہ یہ تمام معلومات اشتہارات دینے والی کمپنیوں کو بھی فراہم کرتا ہے۔ اسی وجہ سے آپ کئی دفعہ دیکھتے ہیں کہ آپ وہی اشتہارات دیکھتے ہیں جس کے بارے میں آپ سرچ کر رہے ہوتے ہیں۔

لیکن اس میں بھی کوئی پریشانی نہیں ہونی چاہیے کیونکہ آپ یہ معلوم کر سکتے ہیں کہ گوگل آپ کی کون سی معلومات ان کمپنیوں کو دے رہا ہے۔

یہ جاننے کے لیے آپ اپنے گوگل اکاؤنٹ پر جائیں اور اس میں 'پرسنل انفو اینڈ پرائیوسی' کے خانے میں جائیں.
 

image


وہاں آپ 'ایڈ سیٹنگ' کے آپشن پر کلک کریں اور اس میں 'مینیج ایڈ سیٹنگ' پر کلک کریں۔

وہاں آپ کو 'ایڈ پرسنالائیزشن' کا آپشن نظر آئے گا جسے آپ بند کر سکتے ہیں اور اس کے بعد آپ کو گوگل پر سرچ کرنے والی چیزوں کے حوالے سے اشتہارات نظر نہیں آئیں گے۔.
 

image


4) اپنی گوگل کی لوکیشن معلومات مٹا لیں
اگر آپ اینڈرائڈ فون استعمال کرتے ہیں تو گوگل ان تمام جگہوں کی معلومات کی فہرست رکھتا ہے جہاں آپ اپنے فون کے ساتھ گئے ہوں۔

ان تمام معلومات کو مٹانے کے لیے گوگل میپ کے پیج پر جائیں اور اس میں سے 'لوکیشن ٹریکنگ' کو چن کر اپنا تمام ہسٹری وہاں سے حذف کر لیں۔


Partner Content: BBC URDU

YOU MAY ALSO LIKE:

Google might be known primarily as a search engine, but its main business is information. You probably use at least three or four of Google’s services every day – even if you don't use an Android phone – and that means Google knows a lot about you. It knows what you get up to online, and if you have an Android phone, it knows the last app you opened.