"فلم سرفروش میں پولیس آفیسر کے کردار سے آج بھی پچھتاوا محسوس ہوتا ہے ہے اور میں اس کو سوچ کر پریشان بھی ہوجاتا ہوں"
یہ کہنا ہے بالی وڈ مسٹر پرفیکٹ عامر خان کا جنھوں نے 2000 میں ریلیز ہونے والی پاکستان مخالف فلم سرفروش میں پولیس افسر کا کردار ادا کیا تھا.
گزشتہ ہفتے اس فلم کے 25 سال مکمل ہونے پر فلم کی اسکریننگ کی خصوصی تقریب ممبئی میں منعقد ہوئی. تقریب میں اداکار عامر خان کے ساتھ فلم میں کام کرنے والے دیگر فنکار نصیر الدین شاہ اور سونالی باندرے بھی موجود تھے.
اپنی گفتگو جاری رکھتے ہوئے عامر خان کا کہنا تھا کہ فلم میں پولیس افسر کے اس کردار کو کرنے پر مجھے آج بھی پچھتاوا محسوس ہوتا ہے اور مجھے یہ بات اب تک پریشان کرتی ہے، کیونکہ اس فلم کی شوٹنگ کے دوران میں دو تین فلموں میں مصروف تھا اور اس وجہ سے میں اپنے بال اتنے چھوٹے نہیں کر پایا جتنے مجھے کرنے چاہیے تھے. آج بھی جب میں اپنی فلم دیکھتا ہوں تو خیال آتا ہے کہ کاش یہ سین دوبارہ کرسکتا.