پاکستان کرکٹ ٹیم کے سابق کپتان شاہد آفریدی اور ان کی سب سے چھوٹی بیٹی عروہ آفریدی کی خوبصورت ویڈیو نے سوشل میڈیا پر دھوم مچا دی ہے۔
ایک وائرل ویڈیو میں عروہ کو اپنے والد شاہد آفریدی کو میک اپ کرتے ہوئے دیکھا جاسکتا ہے. 47 سالہ کرکٹر اپنی بیٹی کے ساتھ پیاری سی گفتگو بھی کر رہے ہیں۔
"آپ نے مجھے لپ اسٹک لگائی اور اب کیا کر رہی ہیں ؟" شاہد آفریدی نے سوال کیا جس پر عروہ نے جواب دیا کہ "بابا میں آپ پر بلش آن لگا رہی ہوں"
اس کے بعد عروہ کہتی ہیں "پاپا، اگر آپ اپنا چہرہ دھویا تو میں ناراض ہو جاؤں گی۔"
میک اوور کے دوران عروہ نے سابق کپتان سے کہا کہ "وہ ان پر میک اپ لگا رہی ہیں تاکہ وہ دوسروں کو ڈرا سکے"۔
جب شاہد آفریدی نے پوچھا کہ وہ کیوں سب کو ڈرانا چاہتی ہیں تو عروہ نے معصومیت سے جواب دیا، "میں چاہتی ہوں کہ آپ شہزادے کی طرح نظر آئیں۔"
شاہد آفریدی نے جواب دیا کہ "میری شہزادی تو آپ ہیں"
اس ویڈیو نے بڑے پیمانے پر توجہ حاصل کی ہے، شائقین شاہد آفریدی اور ان کی بیٹی کے درمیان محبت بھرے بندھن کی تعریف کر رہے ہیں۔